VERKEFNIN

Tónleikasýningin um líf og örlög Jim Morrison heillaði áhorfendur með lifandi undirleik og áhrifamikilli sögustund. Viðburðurinn færði gesti inn í heim The Doors þar sem tónlist, saga og stemning runnu saman í ógleymanlega upplifun.

Björgvin Franz Gíslason, Söngvari ársins á Grímuverðlaununum, fór á kostum í hlutverki Morrisons ásamt The Doors tribute band sem flutti öll helstu lög sveitarinnar af miklum krafti.

Sérstakur sögumaður, Vera Illugadóttir, varpaði skýru og áhugaverðu ljósi á sögu Morrisons og hljómsveitarinnar og dýpkaði upplifun gesta enn frekar.

Umgjörð sýningarinnar var einstaklega vel heppnuð og skapaði sterka tengingu við tíðarandann – allt frá hljóði og lýsingu til stemningar í salnum.

Með þessari einstöku sýningu var 80 ára afmæli Jim Morrison fagnað með sannkölluðum heiðri – í tali og tónum, máli og myndum.

Listrænn stjórnandi: Greta Salóme
Sögumaður: Vera Illugadóttir
Söngur: Björgvin Franz Gíslason

Hljómborð: Daði Birgisson

Gítar: Börkur Hrafn Birgisson

Trommur: Kristinn Snær Agnarsson

Bassi: Birgir Kárason
Dansari: Marinó Máni Mabazza

Mikil stemning ríkti í Háskólabíó þegar heiðurstónleikar tileinkaðir Kurt Cobain og hljómsveitinni Nirvana fóru fram fyrir fullu húsi. Viðburðurinn markaði 30 ár frá fráfalli Cobain og útgáfu hinnar goðsagnakenndu plötu MTV Unplugged in New York.

Tónleikasýningin sameinaði tónlistarflutning, fræðslu og sjónræna miðlun á einstakan hátt. Flosi Þorgeirsson, tónlistarmaður og sagnfræðingur, leiddi áhorfendur í gegnum sögu Cobain og Nirvana með frásögn sem studd var myndefni á bíótjaldinu.

Einar Vilberg fór með hlutverk Cobain í söng og gítarleik og naut liðsinnis reyndra tónlistarmanna úr röðum Skálmaldar og Ensími. Flutningurinn þótti kraftmikill og einlægur og náði vel að endurskapa hráa orku og tilfinningadýpt tónlistar Nirvana.

Listræn stjórn og útsetningar voru í höndum Greta Salóme, sem færði tónlistina í nýjan búning með því að útsetja lög sveitarinnar fyrir strengjasveit. Sú nálgun bætti nýrri vídd við verkin og skapaði sterka heildarupplifun. Greta sá jafnframt um sviðsetningu sýningarinnar.

Sjónræn hönnun og myndvinnsla var í höndum SVART, sem þróaði sérsniðna grafík fyrir viðburðinn og studdi þannig frásagnarhluta sýningarinnar á áhrifaríkan hátt.

Viðburðurinn hlaut afar góðar viðtökur gesta og var kvöldið bæði tilfinningaþrungið og eftirminnilegt. 

​

Listræn stjórn & útsetningar: Greta Salóme

Sögumaður: Flosi Þorgeirsson.

Tónlistarstjóri: Franz Gunnarsson.

Söngur & gítar: Einar Vilberg 

Gítar & söngur: Franz Gunnarsson
Trommur: Jón Geir Jóhannsson

Bassi & söngur: Jón Svanur Sveinsson 
Fiðla: Roland Hartwell

Fiðla: Zbigniew Dubik

Önnur fiðla: Andres Kleina

Önnur fiðla: Juliana Kristiansdottir

Selló: Sigurdur Bjarki Gunnarsson

Víóla: Eyjólfur Bjarni Alfreðsson

Það var rafmagnað andrúmsloft í Laugardalshöll þegar Scooter stigu á svið og sýndu enn og aftur hvers vegna þeir eru þekktir fyrir einhverja öflugustu tónleika sem hafa sést hér á landi.

Fyrir troðfullu húsi fengu aðdáendur að upplifa tónleika sem fóru fram úr öllum væntingum. Sveitin, sem er á heimstúr til að fagna 30 ára afmæli sínu, lagði allt í sölurnar – og útkoman var sprenghlægileg blanda af krafti, nostalgíu og hreinni rave-orku.

Sýningin var í sérflokki þar sem hljóð- og ljósabúnaður, leysigeislar, sprengjur og dansarar sköpuðu ógleymanlega upplifun fyrir alla viðstadda. Þegar H.P. Baxxter og félagar tóku við sviðinu náði stemningin nýjum hæðum og salurinn bókstaflega trylltist.

Upphitunin var ekki síðri, þar sem íslenskir listamenn hituðu upp fyrir kvöldið af miklum krafti. Herra Hnetusmjör, PATR!K, DJ Gústi B og Micka Frurry héldu stemningunni í botni áður en DJ Picco setti lokahnykkinn á upphitunina.

Kvöldið var sannkölluð tónlistarveisla þar sem orka, ljós og tónlist runnu saman í eina sprengju – og enn eitt dæmið um að Scooter svíkja engan þegar þeir mæta til leiks.

Skonrokk fagnaði 15 ára afmæli sínu með stórglæsilegri afmælisveislu og risatónleikum þar sem allt var lagt í sölurnar.

Kvöldið einkenndist af kraftmiklum flutningi, mikilli stemningu og óslitinni röð klassískra rokkslagara úr smiðju stærstu rokksveita sögunnar. Hljómsveitin Tyrkja-Gudda, skipuð úrvals tónlistarfólki hélt utan um dagskrána af öryggi og krafti.

Á sviðinu var stór hópur frábærra söngvara sem skiluðu einstakri túlkun á þekktum rokklögum. 

Sérstakur gestur kvöldsins var Rokkkór Íslands sem fyllti salinn með massífum raddkrafti og lagði dramatíska undirstöðu undir stóran hluta kvöldsins.

​

Sannkallað hátíðarkvöld – stórt, hávært og eftirminnilegt, og stóð fyllilega undir 15 ára afmæli einnar metnaðarfyllstu rokkuppsetningar landsins.

Söngvarar: Stefanía Svavarsdóttir, Birgir Haraldsson, Stefán Jakobsson, Dagur Sigurðsson, Sigga Freedom Guðna, Einar Vilberg, Beggi í Sóldögg.

Sérstakir gestir: Rokkkór Íslands

Trommur & tónlistarstjórn: Birgir Nielsen 
Hljómboð & tónlistarstjórn: Birgir Þórisson 
Gítar: Sigurgeir Sigmundsson 
Gítar: Grétar Lárus Matthíasson
Bassi: Hálfdán Árnason 

Það var mikil eftirvænting þegar eitt stærsta partý ársins fór fram og loforðið um að „toppá það síðasta“ stóð fyllilega undir væntingum.

Kvöldið sameinaði alþjóðlegar stórstjörnur og íslenskt listafólk í stórbrotnu showi þar sem ljós, hljóð og sviðsframkoma voru í algjörum sérflokki. Áhorfendur upplifðu kvöld sem einkenndist af orku, gleði og stöðugri stemningu frá fyrstu mínútu til þeirrar síðustu.

Aðalstjarna kvöldsins var Timmy Trumpet, sem steig í fyrsta sinn á svið á Íslandi og hélt salnum í stöðugri hreyfingu með sinni einkennandi orku og nærveru.

Með honum kom fram DJ-teymið AXMO, sem tryggði hámarks stemningu allan tímann.

Íslenska línan stóð svo sannarlega fyrir sínu þar sem Herra Hnetusmjör, Jóhanna Guðrún Jónsdóttir, Sverrir Bergmann, Sveppi og DJ-teymið Eva Mey og Doctor Victor héldu uppi kraftmikilli og fjölbreyttri dagskrá.

Kvöldið var stórt, öflugt og eftirminnilegt – og stóð fyllilega undir væntingum um eitt stærsta tónlistarpartý sem haldið hefur verið á Íslandi.

Hin goðsagnakennda rokkhljómsveit AC/DC er heiðruð á stórbrotnum tónlistarviðburði þar sem helstu smellir sveitarinnar fá lifandi og kraftmikinn flutning í höndum reyndra íslenskra rokkara.

Á efnisskránni verða meðal annars lög á borð við Back in Black, Thunderstruck, You Shook Me All Night Long, Highway to Hell, Hells Bells og Let There Be Rock – öll í nýjum og kraftmiklum túlkunum sem halda í anda upprunalegu sveitarinnar.

Á sviðinu sameinast úrvals tónlistarfólk úr íslensku rokksenunni, þar sem margir hafa komið við sögu í þekktum sveitum á borð við HAM, DIMMA, The Vintage Caravan og Ensími.

AC/DC ROKKMESSU SVEITIN:
 

Söngur: Stebbi Jak
Söngur: Dagur Sig
Gítar / bakrödd: Óskar Logi Ágústsson
Gítar / bakrödd: Franz Gunnarsson
Bassi / bakrödd: Flosi Þorgeirsson
Trommur / bakrödd: Stefán Ari Stefánsson

​

​

Það var tilfinningaþrungið og áhrifamikið kvöld þegar sérstök Rokkmessa var haldin til heiðurs plötunni Grace með Jeff Buckley, 30 árum eftir útgáfu hennar.

Platan, sem er eitt af helstu verkum 10. áratugarins og hefur öðlast goðsagnakennda stöðu í tónlistarsögunni, var flutt í heild sinni ásamt völdum lögum úr höfundarverki Jeff Buckley. Kvöldið bar sterkan svip af virðingu fyrir upprunalegu efninu og þeirri einstöku dýpt sem einkennir tónlist hans.

Valinkunnir íslenskir tónlistarmenn og konur sameinuðust á sviði og sköpuðu einlæga og áhrifamikla upplifun þar sem hver túlkun bar með sér persónulegt inntak en hélt jafnframt tryggð við andrúmsloft frumverksins.

​

SÖNGVARAR

​

Eyþór Ingi Gunnlaugsson
Dagur Sigurðsson
Kristófer Jensson
Rósa Birgitta Ísfeld
Finni Karlsson
Erla Stefánsdóttir

HLJÓMSVEIT

Gítar: Franz Gunnarsson

Gítar: Kristján Grétarsson

Trommur: Kristinn Snær Agnarsson

Bassi: Ingi Björn Ingason

Hljómborð: Valdimar Kristjónsson

Slagverk: Þórdís Claessen

Black Sabbath er frumkvöðlasveit þungarokksins. Hún var stofnuð í Birmingham á Englandi árið 1968 af þeim Tony Iommi (gítarleikara), Bill Ward (trommuleikara), Geezer Butler (bassaleikara) og söngvaranum Ozzy Osbourne. Sveitin hefur haft gríðarleg áhrif á rokksöguna og eftir hana liggja magnaðar plötur og ógleymanlegir slagarar.

Þann 5. júlí 2025 kom sveitin saman í hinsta sinn á Villa Park í Birmingham með öllum upprunalegu meðlimum – í fyrsta sinn í 20 ár. Um hálfum mánuði síðar var Ozzy allur.

Black Sabbath-rokkmessan, heiðrar þessa risa í rokkinu með flutningi allra helstu laga sveitarinnar frá löngum og áhrifamiklum ferli. Það eru engir nýgræðingar í rokkinu sem kallast til verksins – heldur meðlimir úr sveitum á borð við HAM, Brain Police, Ensími, 13 og Dr. Spock.

Söngur: Jens Ólafsson
Gítar: Franz Gunnarsson
Trommur: Hallur Ingólfsson
Bassi: Flosi Þorgeirsson

Rokkmessan var sett saman til að heiðra trommuleikara sveitarinnar Taylor Hawkins sem féll frá langt um aldur fram. 

 

ROKKMESSU SVEITIN:

Söngur / gítar: Einar Vilberg 
Gítar / Söngur: Franz Gunnarsson

Trommur / söngur: Skúli Gíslason 
Bassi / söngur: Hálfdán Árnason 

Alice In Chains rokkmessurnar hafa notið mikilla vinsælda og seljast yfirleitt upp í forsölu og því best að tryggja sér miða strax. Meðlimir Dr. Spock, Skálmaldar, Brain Police, Noise og Lights on the highway sjá til þess að þú fáir rokkið beint í æð í bestu mögulegum gæðum.

ROKKMESSU SVEITIN:

Söngur: Jens Ólafsson
Söngur: Kristófer Jensson
Söngur / gítar: Einar Vilberg
Gítar / söngur: Franz Gunnarsson
Bassi / söngur: Jón svanur Sveinsson
Trommur: Jón Geir Jóhannsson
 

Rage Against The Machine er heiðruð fyrir þrotlausa baráttu í þágu mannréttinda sem hún kýs að koma á framfæri í formi rokktónlistar. fyrsta plata sveitarinnar  setti hún mark sitt á rokksöguna með pólitísku rappi / rokki á eftirminnilegan máta.

​

Flutt eru lög af farsælum ferli Rage Against The Machine af meðlimum hljómsveitanna Ensími og Quarashi.

ROKKMESSU SVEITIN:

Rapp / söngur: Egill "Tiny" Thorarensen 

Gítar: Franz Gunnarsson 
Trommur: Arnar Gíslason 
Bassi: Guðni Finnsson

​

Íslenska perlusultan heiðrar bandarísku rokksveitina Pearl Jam. Perlusultan leikur plötuna Ten í heild sinni ásamt því að telja í þekkta slagara frá löngum ferli sveitarinnar.​

PERLU SULTAN:

​

Söngur / gítar: Magni Ásgeirsson
Gítar / söngur: Franz Gunnarsson
Gítar / hljómborð: Haraldur V Sveinbjörnsson
Bassi / söngur: Birgir Kárason
Trommur: Stefán Ari Stefánsson

Marc Martel heillaði íslenska tónleikagesti á ný þegar hann steig á svið á Ásvöllum ásamt hljómsveit sinni í sannkallaðri tónleikaveislu.

Eftir að hafa áður spilað fyrir troðfullri Laugardalshöll árið 2022 og tvenna uppselda tónleika í Háskólabíó 2023, sýndi Marc enn og aftur hvers vegna hann er talinn einn fremsti túlkur Freddie Mercury. Með ótrúlegri raddlíkingu og kraftmikilli sviðsframkomu flutti hann stærstu smelli Queen við mikinn fögnuð gesta.

Marc er meðal annars þekktur fyrir að vera söngrödd Freddie Mercury í kvikmyndinni Bohemian Rhapsody og hefur komið fram með meðlimum Queen sem og sinfóníuhljómsveitum víða um heim – og það var greinilegt á sviðinu að hér var á ferðinni einstakur hæfileiki.

Stemningin á Ásvöllum var rafmögnuð frá fyrstu mínútu og aðdáendur fengu að upplifa lögin sem hafa lifað kynslóðir – flutt af óviðjafnanlegri nákvæmni og tilfinningu.

Upphitunin var í höndum hinnar kraftmiklu stuðsveitar Hr. Eydís, með Erna Hrönn í broddi fylkingar, ásamt sérstökum gesti Bryndís Ásmunds – sem komu salnum í toppgír áður en aðalnúmer kvöldsins tók við.

Ógleymanlegt kvöld fyrir alla aðdáendur Queen – tónleikar sem lengi verður talað um.

Það var sannkölluð tónlistarveisla þegar tónlistin úr The Commitments lifnaði við á sviðinu í kraftmikilli og eftirminnilegri tónleikasýningu.

Sýningin, sem byggir á einni vinsælustu tónlistarkvikmynd allra tíma, stóð fyllilega undir væntingum og gott betur. Sérstakur heiðursgestur kvöldsins var Andrew Strong, upprunalegur söngvari myndarinnar, sem kom fram við mikinn fögnuð gesta og flutti lögin af þeirri kraftmiklu nærveru sem gerði hann heimsþekktan.

Á sviðinu var úrvalslið íslenskra tónlistarmanna undir stjórn Davíð Sigurgeirsson, en listræn stjórn og sviðsetning var í höndum Greta Salóme. Saman sköpuðu þau heildræna upplifun þar sem tónlist, leiklist og sjónræn framsetning runnu saman í eina sterka heild.

Björn Stefánsson leiddi áhorfendur í gegnum söguna með eftirminnilegri frammistöðu í hlutverki umboðsmannsins, á meðan söngvararnir Dagur Sig, Stefanía Svavars og Bergsveinn „Beggi í Sóldögg“ Arilíusson fluttu helstu lög kvikmyndarinnar af mikilli innlifun og krafti.

Sjónræn hönnun frá SVART, ásamt vandaðri hljóð- og ljósvinnslu, lyfti upplifuninni enn frekar og skapaði einstakt andrúmsloft í salnum.

Kvöldið var fullt af orku, sál og gleði – og sannkölluð heiðrun við tónlist The Commitments sem hefur lifað með áhorfendum í áratugi.
 

Listrænn stjórnandi: Greta Salóme
Tónlistarstjóri: Davíð Sigurgeirsson
Sögumaður: Björn Stefánsson
Söngvarar: Andrew Strong, Bergsveinn Arilíusson, Dagur Sigurðsson, Stefanía Svavarsdóttir
Bakraddir: Eyrún Eðvaldsdóttir, Þórdís Linda Þórðardóttir, Melkorka Rós Hjartardóttir
Gítar: Kristján Grétarsson

Trommur: Benedikt Brynleifsson

Bassi: Ingi Björn Ingason

Píanó: Halldór Smárason

Hammond: Tómas Jónsson

Básúna: Samúel, Jón Samúelsson

Saxafón: Steinar Sigurðarson

Trompet: Snorri Sigurðarson 

Það var engu líkara en kvikmynd hafi lifnað við þegar HALLOWEEN HORROR SHOW sneri aftur í Háskólabíó – og skildi eftir sig kvöld sem fáir munu gleyma… eða þora að rifja upp.

Sýningin, sem hefur skapað sér orðspor sem ein sú óvenjulegasta tónleikasýning landsins, blandaði saman tónlist, leiklist og hrollvekju í eina myrkvaða heild þar sem áhorfendur voru dregnir inn í heim sem virtist lifa sínu eigin lífi.
Sýningin tók á móti gestum í anddyrinu sem hafði verið breytt í hryllings hús með alls kyns kynjaverum og ófögnuði.

Í broddi fylkingar stóð Greta Salóme sem listrænn stjórnandi, ásamt Stuðlabandinu og sterkum hópi flytjenda. Á sviðinu sameinuðust kraftar söngvara ásamt fleiri listamönnum sem leiddu áhorfendur í gegnum ógnvekjandi og stórskemmtilega dagskrá.

Sögumaður kvöldsins, Ólafur Egilsson, gaf sýningunni myrkan og dramatískan blæ sem tengdi saman atriðin og jók á óhugnaðinn sem lá í loftinu.

Á efnisskrá voru klassísk og nútímaleg „hrollvekjandi“ lög á borð við Thriller, Highway to Hell, Zombie, Creep, auk atriða úr The Little Shop of Horrors og The Rocky Horror Show. Bakraddir, dansarar og leikarar fylltu sviðið og umbreyttu tónleikunum í lifandi sýningu sem sveif á mörkum tónlistar og hreinrar hrollvekjandi sviðslistar.

Förðun og gervi í höndum Rakelar Maríu Hjaltadóttur ásamt búningum Elmu Guðmundsdóttur fullkomnuðu heildarupplifunina og gerðu hverja senu enn áhrifameiri.

Frá fyrstu tónum til loka var andrúmsloftið þétt, dramatískt og stundum beinlínis óhugnanlegt – og gestir gengu út úr Háskólabíó með minningu sem var jafn spennandi og hún var ógnvekjandi.

HALLOWEEN HORROR SHOW staðfesti enn og aftur að þetta er ekki bara tónleikasýning – þetta er upplifun sem læðist undir húðina.
 

Listrænn stjórnandi: Greta Salóme
Sögumaður: Ólafur Egilsson
Söngvarar: Andrea Gylfadóttir, Greta Salóme, Guðrún Árný, Erpur „Blazroca“ Eyvindarson, Stefán Jakobsson, Dagur Sigurðsson. Rakel Pálsdóttir, Ragna Björg Ársælsdóttir, Camilla Rut
Undirleikur: Stuðlabandið
Förðun / Gervi: Rakel María Hjaltadóttir

Búningar: Elma Guðmundsdóttir

Það var sannkölluð hátíð fyrir alla aldurshópa þegar hið heimsfræga sýningar- og skemmtilið Harlem Globetrotters heimsótti Ísland á heimsreisu sinni og steig á svið í Laugardalshöll.
Sýningin bauð upp á einstaka blöndu af íþróttum, leikni og skemmtun þar sem liðið sýndi sína þekktu töfra með boltann, húmor og samskipti við áhorfendur. Stemningin í höllinni var létt, lifandi og fjölskylduvæn frá upphafi til enda.
Harlem Globetrotters hafa glatt áhorfendur um allan heim í næstum heila öld og komið fram í 124 löndum á sex heimsálfum frá stofnun árið 1926. Íslendingar eru þeim vel kunnugir eftir fjölmargar heimsóknir hingað til lands frá því fyrsta sýning þeirra fór fram árið 1982.
Að sýningu lokinni gafst gestum kostur á að hitta leikmenn, fá eiginhandaráritanir og eiga notalega stund með sínum uppáhalds Globetrotter – sem setti punktinn yfir skemmtun sem hentaði allri fjölskyldunni.

Grease tónleikasýningin í Laugardalshöll í sprengdi salinn með stærstu augnablikunum úr einum vinsælasta söngleik allra tíma. Stuðlabandið fór á kostum, hópdansarnir voru stórkostlegir og sagan lifnaði við í einstökum búningi í leikstjórn Gretu Salóme – á þann hátt sem hefur einfaldlega ekki sést hérlendis áður.

„Ég man eftir að hafa séð Grease þegar ég var krakki og ég hef alltaf elskað söngvamyndir og söngleiki,“ sagði Greta. „Við fórum hinn gullna meðalveg milli tónleika og söngleiks – settum á svið atriði fyrir hvert einasta lag úr myndinni, bæði þau sem eru sungin og þau sem skapa stemninguna í bakgrunni.“

Á sviðið stigu meðal annars Stefanía Svavarsdóttir, Dagur Sigurðsson og Júlí Heiðar – öll sammála um að Grease sé ómissandi hluti af æsku þeirra.

„Við systkinin horfðum á myndina 1–2 sinnum í mánuði og öskruðum lögin með!“ sagði Dagur.
„Þetta varð algjör negla!“

„Það var geggjað að standa á sviðinu með þessum hópi,“ bætti Júlí við. „Greta skapaði sannkallaða tónlistar- og upplifunar sprengju sem aðdáendur Grease munu seint gleyma.“

Í aðalhlutverkum voru stórstjörnurnar Jóhanna Guðrún sem Sandy og Magnús Kjartan.
„Þetta var algjör draumur,“ sagði Jóhanna. „Ég var sérstaklega spennt fyrir ‘Hopelessly Devoted To You’ – þetta er sannkallað söngkonulag.“

Magnús tók undir: „Hópurinn var magnaður – frábærir söngvarar og teymi á bak við sýninguna. Þetta varð eitthvað alveg sérstakt.“

​

​

Platan Nevermind er ein áhrifamesta rokkplata allra tíma og önnur plata hljómsveitarinnar Nirvana. Hún kom út 24. september 1991 og skaut sveitinni upp á heimsfrægðarstjörnuhimininn á örskömmum tíma. Platan hefur selst í yfir 30 milljónum eintaka, hlotið einróma lof gagnrýnenda og er jafnan talin meðal bestu platna sögunnar. Hún hlaut jafnframt fjölda verðlauna og markaði tímamót í rokksögunni.
Í þessari Rokkmessu er Nevermind flutt í heild sinni ásamt völdum lögum af Bleach, In Utero og öðrum perlum úr ferli Nirvana. Um er að ræða kraftmikla tónleikasýningu sem hefur áður slegið í gegn fyrir fullu húsi á fjölmörgum stöðum um landið, þar sem stemning, orka og trú á upprunalegan anda grunge-tímabilsins ráða ríkjum.
 

​

NIRVANA ROKKMESSU SVEITIN:
 

Söngur / gítar: Einar Vilberg 
Gítar / söngur: Franz Gunnarsson
Bassi / söngur: Jón Svanur Sveinsson
Trommur / söngur: Stefán Ari Stefánsson 

In Utero er þriðja og síðasta hljóðversplata Seattle sveitarinnar, Nirvana. Platan kom út í september 1993 og fylgdi í kjölfarið á risa velgengni plötunnar Nevermind sem gerði hljómsveitina að einni stærstu rokksveit heimsins. In Utero fékk mikla jákvæða gagnrýni og seldist vel þrátt fyrir að hljómsveitin hafi þurft að hætta að fylgja henni eftir sökum veikinda Kurt Cobain. Sjö mánuðum eftir útgáfu plötunnar var Cobain allur. Helstu lög plötunnar eru "Heart-Shaped Box", "All Apologies", "Pennyroyal Tea", "Serve The Servants" og "Dumb"

Ásamt því að heiðra In Utero fá margir aðrir slagarar af ferli Nirvana fá að fljóta með á Rokkmessunni.

NIRVANA ROKKMESSU SVEITIN:
 

Söngur / gítar: Einar Vilberg 
Gítar / söngur: Franz Gunnarsson
Bassi / söngur: Jón Svanur Sveinsson
Trommur / söngur: Stefán Ari Stefánsson 

Hlaðvarpið Draugar fortíðar sem stjórnað er af þeim Baldri Ragnarssyni og Flosa Þorgeirssyni hefur vakið mikla athygli og notið gífurlegra vinsælda. Þeir félagar taka fyrir ýmis mál úr mannkynssögunni og nálgast það úr ýmsum áttum á skemmtilegan og lifandi en umfram allt, fræðandi máta. Ekki síst hefur umræða þeirra um geðræn vandamál og andlega heilsu stuðlað að því að þeir eiga dyggan hóp hlustenda.
Draugarnir mun fara víðreist um landið og heimsækja vel valda staði í öllum landshlutum. Slegið er upp einstökum Draugar fortíðar kvöldum og eru gestir þátttakendur í dagskránni.

VIÐKOMUSTAÐIR

SELFOSS, REYKJANESBÆR, EGILSSTAÐIR, AKUREYRI, AKRANES, ÍSAFJÖRÐUR, SAUÐÁRKRÓKUR, STYKKISHÓLMUR, VESTMANNAEYJAR, REYKJAVÍK. 

Bestu lög Radiohead flutt af úrvals mannskap. Gullið tækifæri að upplifa lög Radiohead sem er ein af merkustu hljómsveitum veraldar í dag. Dagskráin er einstaklega vel flutt af ástríðu og fagmennsku.

ROKKMESSU SVEITIN

​

Söngur / gítar: Eyþór Ingi Gunnlaugsson 
Gítar / söngur: Franz Gunnarsson
Hljómborð / gítar / söngur: Þorbjörn Sigurðsson 
Bassi / söngur: Hálfdán Árnason 
Trommur / forritun: Skúli Gíslason 

Guns & Roses rokkmessur hafa verða haldnar hér á klakanum fjölmörgum sinnum enda alltaf vel sóttir og gríðarlega skemmtilegir viðburðir. Meðlimir meðal annars Dr. Spock, DIMMU og Skálmaldar sjá til þess að þú fáir rokkið beint í æð.

ROKKMESSU SVEITIN:
 

Axl Rose: Stefán Jakobsson
Slash: Davíð Sigurgeirsson
Izzy Stradlin: Franz Gunnarsson
Duff McKagan: Jón svanur Sveinsson
Steven Adler: Jón Geir Jóhansson

S.O.A.D. hefur gefið út fimm breiðskífur og selt yfir um 40 milljón eintök.
Hljómsveitin á ófáa slagara sem munu fá að heyrast á þessum tónleikum en dagskráin spannar lög frá farsælum ferli sveitarinnar sem hófst árið 1994 í Kaliforníu.
Sett hefur verið saman sérstök hljómsveit til að flytja efnið á heiðurstónleikunum og eru meðlimir gallharðir aðdáendur System Of A Down.

ROKKMESSU SVEITIN:

​

Söngur: Stefán Jakobsson
Öskur: Finnbogi Örn Einarsson
Gítar / hljómborð: Franz Gunnarsson
Gítar: Hrafnkell Brimar Hallmundsson
Bassi / söngur: Erla Stefánsdóttir
Trommur: Sverrir Páll Snorrason

Dagskráin samanstendur af helstu lögum rokksveitarinnar Soundgarden þar sem Chris Cornell var forsprakki og helsti laga- og textahöfundur. 

Hópurinn sem flytur dagskránna er með urrandi mikla reynslu í heiðurstónleikum af öllum stærðum og gerðum.

ROKKMESSU SVEITIN:

​

Söngur / gítar: Einar Vilberg

Gítar / söngur: Franz Gunnarsson
Bassi / söngur: Jón Svanur Sveinsson
Trommur: Skúli Gíslason